पाँचथरको नागीमा छुरा प्रहार गरेर मावोको हत्या

0

विर्तामोड, २२ असोज ।


पाँचथरको याङवरक गाउँपालिका–६, नागीमा छुरा प्रहारबाट एक जनाको हत्या भएको छ ।
आज याङवरक गाउँपालिका–६ नागीका अन्दाजी २२ वर्षका आइतराज योङहाङको छुरा प्रहारबाट ताप्लेजुङको सिदिङवा गाउँपालिकाका ४० वर्षीय अर्जुन मावोको ज्यान गएको हो ।
ज्यान गुमाएका मावो छुरा प्रहार गर्ने योङहाङको फुपाजु हुनुहुन्छ । मावो ससुराली घरमा घरज्वाइँ बस्दै आउनुभएको थियो ।
घरको आँगनमा २ जनाबीच कुराकानी भइरहेको बेलामा योङहाङले मावोलाई एक्कासी छुरा प्रहार गरेका थिए । छुरा प्रहारपछि मावोको घटनास्थलमा नै ज्यान गएको वडाध्यक्ष ताराबहादुर योङहाङले जानकारी दिनुभयो ।
योङहाङले मावोलाई दाहिने पेटमा छुरा प्रहार गरेको बताइएको छ । योङहाङलाई प्रहरीले पक्राउ गरी थप अनुसन्धान गरिरहेको छ । घटनास्थलमा जिल्ला प्रहरी कार्यालय पाँचथरको टोली गएको प्रहरी निरीक्षक (इन्सपेक्टर) अनिलकुमार पौडेलले बताउनुभयो । ००००००

Share.

Leave A Reply