किसानले तोरी खेती गरे प्रतिविगाहा २ हजार अनुदान दिने सहज महिला समृद्धि सहकारीको घोषणा

0

विर्तामोड, २५ साउन ।

मेचीनगरको सहज महिला समृद्धि बहुउद्देश्यीय सहकारी संस्थाले किसानलाई तोरी खेतीका लागि अनुदान घोषणा गर्दै उत्पादन भए किनिदिने भएको छ ।
सहकारीको साधारणसभाले स्थानीय किसानलाई तोरी खेतीप्रति आकर्षण गर्न प्रतिबिघा दुई हजार अनुदान दिने निर्णय गरेको संस्थाका अध्यक्ष शारदा शर्माले बताउनुभयो । संस्थाले तोरी तेल उद्योग नै सञ्चालन गर्ने निर्णय गरेको छ । उहाँका अनुसार संस्थाले मेचीनगरका–९ देखि १५ सम्मका सबै तोरी किसानलाई प्रोत्साहनस्वरुप अनुदान उपलब्ध गराउने छ । यो अनुदान मल र बीउ किन्नका लागि दिइएको हो ।
मेचीनगर–१० मा रहेको सहकारीले स्थापनाकालदेखि नै तोरीको शुद्ध तेल आफँैले उत्पादन गरी सदस्यलाई सहुलियतमा बिक्री गर्दै आएको छ । विगत वर्षदेखि संस्थाले भाडामा जग्गा लिई तोरी खेतीसमेत गर्दै आएको छ । आर्थिक वर्ष २०७६÷०७७ मा एक करोड ४४ लाख रुपैयाँको कारोवार गरेको संस्थाले यस वर्ष १२ बिघा जग्गा भाडामा लिएर आफँै तोरी खेती गर्ने तयारी गरेको छ । ००००००

Share.

Leave A Reply