नेपालमा ७१,८२१ जना संक्रमित, १८,३४१ जना सक्रिय सङ्क्रमित

0

विर्तामोड, १० असोज ।

गएको २४ घण्टामा एक हजार दुई सय सात जनामा कोरोना सङ्क्रमण पुष्टि भएको छ । १० हजार १९ जनाको पीसीआर परीक्षण गर्दा एक हजार दुई सय सात जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना सङ्क्रमण हुनेको संख्या ७१ हजार आठ सय २१ जना पुगेको छ । यस्तै गएको २४ घण्टामा एक हजार एक सय ४७ जना कोरोना सङ्क्रमणमुक्त भएका छन् । योसँगै कोरोना सङ्क्रमणमुक्त हुनेको संख्या ५३ हजार १३ जना पुगेको छ । यो कुल संख्याको ७३ दशमलव आठ प्रतिशत हो । नेपालमा अब १८ हजार तीन सय ४१ जना सक्रिय सङ्क्रमित रहेका छन् । यीमध्ये दुई सय २४ जना आईसीयूमा र २७ जना भेन्टिलेटरमा उपचार गराइरहेका छन् ।
यस्तै गएको २४ घण्टामा आठ जनाको ज्यान गएसँगै नेपालमा कोरोना सङ्क्रमणबाट ज्यान गुमाउनेको संख्या चार सय ६७ जना पुगेको छ । ०००००

Share.

Leave A Reply