पुर्वी पहाडी जिल्लामा सामूहिक साइकल यात्रा

0

विर्तामोड, १३ कात्तिक ।

कोरोना सङ्क्रमणपछि थला परेको पर्यटन व्यवसाय प्रवद्र्धन गर्ने उदेश्यले पुर्वी पहाडी जिल्लामा सामूहिक साइकल यात्रा सम्पन्न भएको छ । लिंक्स पेडल नामक संस्थाको आयोजनामा भएको यात्रामा विभिन्न पेशामा आवद्ध १३ जना युवा साइकल यात्री सहभागी थिए ।
इलामको हरियाली चियाबारी, नागबेली झैँ घुमेका सडकमा साइकल यात्रीको आगमनले थप रमाइलो थप्ने काम गरेको इलाम उद्योग वाणिज्य संघका अध्यक्ष ईश्वर चिपालुले बताउनुभयो । उद्योग बाणिज्य सङ्घको पहलमा साइकल यात्रीलाई स्वागत गर्दै भएको कार्यक्रममा कोरोना कहरमा शून्य रहेको पर्यटनले केही गति लिने विश्वास व्यक्त भएको थियो । साइकलयात्री बुद्ध तामाङले सो क्षेत्र पूर्वकै उत्कृष्ट पर्यटकीय गन्तव्य भएको सन्देश प्रवाह गर्न आफुहरु आएको बताउनुभयो ।
ताप्लेजुङको सुकेटारदेखि शुरु भएको चार दिने साइकल यात्रा झापामा सम्पन्न भएको साइकल यात्राका संयोजक योगेन्द्र थापाले बताउनुभयो । द हिमालयन माउण्टेन बाइक विर्तामोडको सहयोगमा सञ्चालन भएको साइकल यात्राका सहभागीले पहाडको नागबेली सडकका साथै इलामको चियाबारी लगायतका क्षेत्र छिचोल्दै दुई सय ३० किलोमिटर यात्रा गरेको बताएका छन् । इन्धनको बचत तथा शारीरिक कसरत राम्रो हुने भएकाले साइकल यात्रा फलदायी हुने सहभागीको भनाइ थियो । ००००००

Share.

Leave A Reply