चीनमा कोरोना भाइरसको दोस्रो लहर, चार वटा सहरमा लकडाउन

0

विर्तामोड, २९ पुस ।

चीनमा पाँच महिनाभन्दा लामो समयपछि एकैदिन सबैभन्दा धेरै कोरोना भाइरसका सङ्क्रमित देखिएका छन् । योसँगै कोरोनाको अर्काे लहरबाट बच्न चीनले ४ वटा सहरमा लकडाउन लागू गरेको छ । परीक्षण बढाएको छ, र अरू कदम पनि उठाएको छ ।
थपिएका सङ्क्रमितमध्ये धेरै राजधानी बेइजिङ नजिकका छन् । आज जारी गरिएको आधिकारिक तथ्याङ्क अनुसार उत्तर–पूर्वी चीनको एक प्रान्तमा पनि सङ्क्रमणको दर बढेको देखिएको छ । सङ्क्रमण दर बढेपछि दुई करोड ८० लाख भन्दा धेरै नागरिकलाई होम क्वारेण्टाइनमा राखिएको छ ।
नेशनल हेल्थ कमिसनले एक विज्ञप्ति निकाल्दै भनेको छ, ‘चीनमा एक सय १५ जनामा सङ्क्रमण पुष्टि भएको छ, एक दिनअघि ५५ जनामा सङ्क्रमण देखिएको छ । गएको ३० जुलाईपछि एकैदिन यति धेरै सङ्ख्यामा सङ्क्रमण देखिएको हो ।’
कमिसनका अनुसार एक सय सात जनामा समुदायस्तरबाट नै सङ्क्रमण भएको छ, ९० जना बेइजिङ नजिकको हिबे प्रान्तका र उत्तर–पूर्वी हेलुंगजंग प्रान्तमा १६ जना छन् ।
हिबेको तीन सहरमा लकडाउन लगाइएको छ । बेइजिङ सहरको प्रशासनले स्क्रिनिङ र सङ्क्रमण फैलिन नदिन कडा कदम चालेको छ ।
हेलुंगजंग प्रान्तले आज कोभिड–१९ आपत्काल घोषणा गरेको छ । प्रान्तीय राजधानी हार्बिनको सीमा नजिकको सुहुआ सहरले आफ्ना पाँच लाख २० हजार नागरिकका लागि लकडाउन लगाएको छ । ००००००

Share.

Leave A Reply