प्रधानमन्त्री कप क्रिकेट प्रतियोगितामा आज दुई खेल हुँदै

0

बिर्तामोड, ८ माघ ।

प्रधानमन्त्री कप पुरुष क्रिकेट प्रतियोगितामा आज एपीएफ क्लब र गण्डकी प्रदेश तथा लुम्बिनी प्रदेश र नेपाल पुलिस क्लब खेल्दै छन् ।

खेल बिहान ९ बजे हुने छ । लुम्बिनी र नेपाल पुलिस क्लबको खेल कीर्तिपुर मैदानमा हुने छ । दुवै टोली आज दोस्रो जितको खोजीमा हुने छन् ।

अहिलेसम्म एक खेल खेलेको लुम्बिनीले पहिलो खेलमा जित दर्ता गरेको छ भने दुई खेल खेलेको पुलिस क्लबले एकमा जित र एकमा हार ब्यहोरेको छ । यस्तै, मूलपानी क्रिकेट मैदानमा एपीएफ क्लब र गण्डकी प्रदेश खेल्ने छन् ।

एपीएफ क्लबले पहिलो खेल जितेको छ भने गण्डकीले तीन खेल खेलेकोमा दुईमा हार र एकमा जित निकालेको छ ।

Share.

Leave A Reply