स्वदेशी कामदारलाई दक्ष बनाई रोजगारी उपलब्ध गराउन प्रदेशमन्त्री कार्कीको आग्रह

0

विराटनगर, २५ भदौ ।


नेपालका इँटा उद्योगीहरुले प्रत्येक हप्ता ३० करोड रुपैयाँ ग्रामीण क्षेत्रका कामदारलाई भुक्तानी गर्ने गरेको एक कार्यक्रममा बताइएको छ । कोशी अञ्चल इँटा उद्योग व्यवसायी सङ्घको नवौँ साधारणसभामा आज प्रदेश नं १ का आन्तरिक मामिला तथा कानूनमन्त्री हिक्मतकुमार कार्कीले विदेशी कामदारलाई न्यूनीकरण गरी स्वदेशी कामदारलाई दक्ष बनाई रोजगारी उपलब्ध गराउनुपर्ने बताउनु भयो । उहाँले ग्रामीण क्षेत्रमा गरीबी निवारणमा ठूलो भूमिका निर्वाह गरेका उद्यमीहरुले इँटाको तौल घटाई गुणस्तरीय उत्पादन गर्नुपर्नेमा जोड दिनुभयो ।


मन्त्री कार्कीले पानी र असिनाबाट उद्योगीहरुलाई हुने क्षति न्यूनीकरण गर्न कानूनी, व्यवस्थापकीय लगायतका अन्य सहयोग गर्न सरकार तयार रहेको धारणा व्यक्त गर्नुभयो ।
प्रदेशसभा सदस्य जयराम यादवले उद्यमीले जनस्वास्थ्यमा क्षति नपु¥याउने स्वदेशी तथा विदेशी उपकरण प्रयोग गर्न अनुदान लगायत भन्सार छुट उपलब्ध गराउन सहयोग गर्ने बताउनुभयो ।
सङ्घका अध्यक्ष महेन्द्रप्रसाद साह, महासचिव अरुण प्रधान, नेपाल पत्रकार महासङ्घ मोरङका अध्यक्ष बन्धु पोखरेल लगायतले नेपाल इँटामा आत्मनिर्भर रहेको जानकारी दिनुभयो ।
इँटा उद्योगले नेपालको कूल ग्राहस्थ्य उत्पादनमा दुई प्रतिशत योगदान दिएको छ । नेपाल सरकारमा दर्ता भएका एक हजार ४०० र सङ्घमा दर्ता भएका एक हजार इँट्टा उद्योग विभिन्न जिल्लामा सञ्चालनमा रहेका छन् । सङ्घले आज सहमतिका आधारमा नेतृत्व चयन गर्ने छ । ००००००

Share.

Leave A Reply