झापा, २८ साउन ।

साँगुरीगढी गाउँपालिका–६ स्थित भेडेटार बजारबाट प्रहरीले आज अपरान्ह सात क्वीन्टल बढी परिमाणको गाँजा नियन्त्रणमा लिएको छ । 
धनकुटाबाट तरकारी बोकेको मालबाहक ट्रकमा राखिएको ७ सय ३६ केजी गाँजा भेडेटार प्रहरीले अपरान्ह ३ बजे नियन्त्रणमा लिएको हो । ना. ८ ख १२६८ नम्बरको ट्रकमा तरकारीको बोरा भित्र लुएकार राखिएको गाँजा चेकजाँचको क्रममा भेडेटारबाट नियन्त्रणमा लिइएको जिल्ला प्रहरी कार्यालयका निमिक्त प्रमुख डिएसपी राजबाबु महर्जनले जानकारी दिनुभयो ।
ट्रक चालक धनकुटाको पाख्रिबास नगरपालिका–१० का सुजन भनिने टंकबहादुर मगर र ट्रक प्रहरीले नियन्त्रणमा लिएको छ । गत पाँच दिन अघि साउन २३ गते पनि धनकुटाबाट धरानतर्फ जाँदै गरेको मिनी ट्रक चेकजाँचको क्रममा सोही स्थानबाट प्रहरीले १ सय ३५ केजी गाँजा नियन्त्रणमा लिएको थियो । ०००००