विर्तामोड, २० असोज ।

मेची बहुउद्देश्यीय सहकारीको विर्तामोड सेवा केन्द्रमा दुई जना जेष्ठ सदस्यलाई सम्मान गरिएको छ ।
नेपालीको प्रमुख पर्वका अवसरमा हरेक दशैंअधि ७० वर्षभन्दा माथिका जेष्ठ सदस्यलाई नगदसहित सम्मान गर्ने परम्परा अनुसार विर्तामोड सेवा केन्द्रमा सम्मान गरिएको सेवा केन्द्र प्रमुख दुर्गा खनाल पोखरेलले जानकारी दिनुभयो । सेवा केन्द्रका संयोजक उत्तम खनालको अध्यक्षतामा भएको कार्यक्रममा जेष्ठ सदस्य विष्णुकुमारी सिलवाल आचार्य र धुर्वकुमार शर्मालाई अब आउने जाडोका कपडा र दशैंमा टीका लगाएर दिने दक्षिणासहित सम्मान गरिएको हो । 
कार्यक्रममा सेवा केन्द्र प्रमुख खनाल र सेवा केन्द्रका कर्जा उपसमिति संयोजक लीला अधिकारी लगायतले मेची सहकारीले सदस्यका लागि प्रदान गर्ने सेवाका विषयमा चर्चा गर्दै वयस्क उमेरको बचतले बुढेसकालमा जीवन सुखमय हुने उल्लेख गर्नुभयो । ००००