झापा, २ माघ ।
खो–खो विश्वकपको महिलातर्फ नेपालले श्रीलङ्कालाई फराकिलो अन्तरले हराएको छ । आज भएको खेलमा नेपालले श्रीलङ्कालाई ११०–१० ले हराएको हो ।
नेपाली महिला टोलीको यो लगातार तेस्रो जीत हो । महिलातर्फ नेपालले पहिलो खेलमा भुटान र दोस्रो खेलमा जर्मनीलाई हराएको थियो । नेपाली महिला टोलीले समूह चरणको अन्तिम खेलमा भोलि बङ्गलादेशसँग खेल्नेछ ।
महिला र पुरुष दुवै टोलीलाई ४ वटा समूहमा विभाजन गरिएको छ । समूह चरणको खेलपछि शीर्ष दुई टोली क्वाटरफाइनलमा पुग्नेछन् । 
फाइनल खेल आउँदो आइतवार हुनेछ । ०००००